शिवसेना नेते आमदार अंबादास दानवे यांच्या नेतृत्वाखाली हे आंदोलन करण्यात येणार आहे. कांदा उत्पादक शेतकऱ्यांना सातत्याने कमी भाव मिळत असल्याने ते आर्थिक संकटात सापडले आहेत. त्यामुळे नाफेड मार्फत तत्काळ कांदा खरेदी सुरू करणे, कांद्याला किमान दोन हजार रुपये प्रति क्विंटल हमीभाव जाहीर करणे, प्रति क्विंटल 1500 रुपये अनुदान देणे,कांद्याची निर्यात खुली करणे, कांदा चाळ उभारणीसाठी 75 टक्के अनुदान देणे आदी मागण्यांसाठी हे आंदोलन करण्यात येणार आहे.
शेतकऱ्यांच्या न्याय हक्कासाठी होणाऱ्या या आंदोलनात सहभागी व्हावे असे आवाहन शिवसेनेचे जिल्हा परिषद सदस्य कृष्णा पाटील डोणगांवकर, तालुकाप्रमुख मनाजी पाटील मिसाळ, जिल्हा परिषद सदस्य संजय पाटील निकम, मनोज गायके, ॲड.रमेश सावंत, युवासेना जिल्हा उपप्रमुख विठ्ठल पाटील डमाळे, दिनेश मुथा यांनी केले आहे.
0 Comments