news today, जिल्हा मध्यवर्ती बँकेची मतदार यादी प्रसिद्ध ; 123 जणांची नावे वगळली

वैजापूर, ता.23 - जिल्हा मध्यवर्ती सहकारी बँकेची  लवकरच निवडणूक होणार असून त्यादृष्टीने हालचालींना वेग आला आहे. बँकेच्या सभासदांची अंतिम मतदारयादी विभागीय सहनिबंधक कार्यालयाने गुरुवारी (ता.2) प्रसिध्द केली आहे. प्रारूप यादीवरील सुनावणीअंती जिल्हयातील 113 जणांची नावे वगळून ही अंतिम मतदार यादी प्रसिध्द करण्यात आली आहे.

बँकेची मतदार यादी अंतिम करताना शेती कर्ज पुरवठा करणाऱ्या व विविध कार्यकारी सोसायट्यांचा मतदार संघ -1 मधून जिल्हयातील 8 जणांची नावे वगळण्यात आली आहेत. बिगर शेती कर्ज पुरवठा करणाऱ्या व विणकर सोसायट्यांचा मतदार संघ -2 मधून 35 जणांची, मार्केटिंग व प्रोसेसिंग सोसायट्यांचा मतदार संघ -3 मधून 48 मतदारांची नावे वगळली आहे  व्यक्तिगत भाग धारण करणाऱ्या सभासदांच्या मतदार संघातून 22 जणांची नावे वगळण्यात आली आहेत.

सिल्लोडचे शिवसेना आमदार अब्दुल सत्तार यांच्यासह त्यांचे पुत्र समीर व आमेर यांची नावे व्यातिगत भाग धारण करणाऱ्या सभासदांच्या मतदार संघातूनही ठराव करून पाठवल्याने ती वगळण्यात आली आहे. मात्र, या तिघांची नांवे मार्केटिंग व प्रोससिंग सोसायट्यांच्या मतदार संघ -3  मध्ये यादीत समाविष्ट आहेत.