वैजापूर मर्चन्ट बँकेची सर्वसाधारण सभा उत्साहात
वैजापूर, ता.16 - वैजापूर मर्चन्ट्स को ऑपेरेटीव्ह बँकेची 67 वी वार्षिक सर्वसाधारण सभा शनिवारी येथील कृष्णा लॉन्समध्ये अतिशय खेळीमेळीच्या वातावरणात पार पडली. या बँकेचे भाग भांडवलदार व ग्राहक यांच्या अतूट विश्वासामुळे बँकेने प्रगतीचा चढता आलेख गाठला आहे. बँकेची आर्थिक स्थिती भक्कम असून बँकेकडे सुमारे 540 कोटी रुपयांच्या ठेवी आहेत. तसेच 190 कोटी रुपयांची गुंतवणूक करून आतापर्यंत 140 पेक्षा जास्त गरजू तरुणांना रोजगार उपलब्ध करून दिला आहे. कर्जदार वं सभासदांसाठी अपघात विमा योजना लागू केली आहे अशी माहिती बँकेचे चेअरमन रवींद्र उर्फ बाळासाहेब बन्सीलाल संचेती यांनी दिली.
या सभेला सभासद मोठ्या संख्येने उपस्थित होते. बैठकीत चेअरमन बाळासाहेब संचेती यांनी सभासदांसमोर 31 मार्च 2025 रोजी संपलेल्या आर्थिक वर्षाचा अहवाल सादर केला. यासह मांडलेल्या एक ते सोळा विषयांना सभासदांनी बहुमतांनी मंजुरी दिली. प्रास्ताविक मुख्य कार्यकारी अधिकारी अशोक कोठारी यांनी केले. सावनसिंग राजपूत यांनी सूत्रसंचालन केले. उपमुख्य कार्यकारी अधिकारी बीं.टी.तांबे यांनी आभार व्यक्त केले. या सभेला जिल्हा सहकारी बँकेचे संचालक डॉ. दिनेश परदेशी, माजी नगराध्यक्ष साबेर खान, उपाध्यक्ष उल्हास ठोंबरे, ॲड.प्रमोद जगताप, विशाल संचेती, प्रीतम मुथा, विनय सुराणा, सुरेश तांबे, विजय वेद, विजय दायमा, सावनसिंग राजपूत, महेंद्र गुंदेचा, विनोद गायकवाड, मनोज छाजेड, सौरव संचेती, प्रशांत त्रिभुवन, प्रकाश पिरथाणी, अंकित मालपाणी, शालिनी सोमाणी, वैशाली साखरे या मान्यवरांची उपस्थिती होती.
शाखाधिकारी विलास कोरडे, एस.जे.साकला, सी.एम.आवारे, आर.ई.फल्ले, एस.ए.लाहोटी, आर.एन.साळवे, सी.व्ही.शर्मा, एस.आर.सोनवणे, एस.एस.जगताप यांनी सभेसाठी पुढाकार घेतला.
0 Comments