राजकीय क्षेत्रात डॉ.काळे यांचा प्रदीर्घ आणि समृद्ध असा कार्यानुभव आहे.वपंचायत समिती संभाजीनगरचे उपसभापती, देवगिरी सहकारी साखर कारखान्याचे संचालक तसेच पूर्व व फुलंब्री मतदारसंघातून आमदार अशी लोकप्रतिनिधींची जबाबदारी त्यांनी यशस्वीरीत्या पार पाडली आहे. युवक काँग्रेसचे अध्यक्ष म्हणून त्यांनी युवाशक्तीला दिशा दिली असून 2020 पासून ते संभाजीनगर जिल्हा काँग्रेस कमिटीचे अध्यक्ष म्हणूनही जबाबदारी सांभाळत आहेत. तसेच काँग्रेस सेवादलाचे प्रदेशाध्यक्ष विलास औताडे यांची महाराष्ट्र प्रदेश सरचिटणीसपदी नियुक्ती करण्यात आली आहे.यापूर्वीही विलास औताडे यांनी विविध पदे भूषविली आहेत.
छत्रपती संभाजीनगरच्या जिल्हाध्यक्षपदी अखेर नव्या नावाची घोषणा झाली असून, पक्षाशी निष्ठावान असलेले किरण पाटील डोणगांवकर यांच्याकडे ती जबाबदारी सोपविण्यात आली आहे. किरण पाटील हे महाविद्यालयीन जीवनापासून काँग्रेस पक्षात सक्रिय आहेत. युवक काँग्रेस सरचिटणीसपदापासून त्यांचा राजकीय प्रवास सुरू झाला. काँग्रेसमध्ये सरचिटणीस व उपाध्यक्ष म्हणून त्यांनी दीर्घकाळ काम केले. जिल्हा बँकेचे 28 वर्षांपासून ते संचालक आहेत, सद्या ते बँकेचे व्हॉईस चेअरमन आहेत. नवनियुक्त जिल्हाध्यक्ष किरण पाटील हे 3 ऑगस्ट रोजी सूत्रे स्वीकारतील .
0 Comments