90,000/- हजार रुपये नुकसाभरपाई देण्याचे आदेश...
वैजापूर, ता.17- येथील वैजापूर नागरी सहकारी पतसंस्थेकडून कर्ज म्हणून घेतलेल्या रकमेच्या परताव्यासाठी दिलेला धनादेश न वटता अनादरीत होऊन परत आल्याप्रकरणी आरोपीस एक महिने सश्रम कारावास तसेच 90,000/- हजार रुपये नुकसाभरपाई करण्याचे आदेश तिसरे प्रथमवर्ग न्यायदंडाधिकारी श्रीमती एम.ए.बेंद्रे यांनी दिले. रक्कम न भरल्यास अतिरिक्त सात दिवस साध्या कारावासाची शिक्षा सुनावली.
याबाबत अधिक माहिती अशी की, वैजापूर नागरी सहकारी पतसंस्था यांचेकडून आरोपी छाया बाळासाहेब बागुल (वय 48 वर्ष, रा.वैजापूर) यांनी कर्ज घेतले होते. कर्जाऊ घेतलेल्या रकमेची ठरल्याप्रमाणे परतफेड न केल्यामुळे फिर्यादिने आरोपीकडे सदर रकमेची मागणी केली. तेंव्हा आरोपीने फिर्यादी वैजापूर नागरी सहकारी पतसंस्था वैजापूर या नावाने दि.13 जानेवारी 2022 रोजीचा रक्कम रूपये 62,516/- चा भारतीय स्टेट बँक, शाखा वैजापूर बँकेचा धनादेश दिला. सदरचा धनादेश फिर्यादीने त्याचे खाता असलेली बंधन बँक लि.शाखा वैजापूर त येथे वटविण्यासाठी टाकला. परंतु पुरेशा रकमेअभावी धनादेश न वटता अनादरित होऊन परत आला. धनादेश न वटता परत आल्यानंतर फिर्यादिने आरोपीस ॲड. मजहर बेग यांचेमार्फत नोटीस पाठवून अनादरीत झालेल्या धनादेशाची रक्कम जमा करण्यास सांगितले होते. परंतु. आरोपीस नोटीस मिळूनही आरोपीने धनदेशाची रक्कम मुदतीत जमा केली नाही. त्यामुळे फिर्यादीने आरोपीविरुद्ध वैजापूर येथील न्यायालयात धाव घेऊन ॲड.मजहर करीम बेग यांचेमार्फत चलनक्षम दस्तऐवज कायद्याचे कलम 138 नुसार फिर्याद दाखल केली होती. न्यायालयाने उपरोक्त प्रकरणातील परिपूर्ण फिर्याद, साक्षीपुरावा व वकील ॲड.मजहर करीम बेग यांनी केलेल्या युक्तिवादाच्या आधारावर आरोपीस मंगळवारी (ता.16) वरीलप्रमाणे निकाल दिला.
0 Comments