वैजापूर ता.18 - नैसर्गिक आपत्तीमुळे राज्यातील शेतकरी बांधव अडचणीत सापडला आहे. पालिका कर्मचाऱ्यांनी आपले एक दिवसाचे वेतन आपद्ग्रस्तासाठी देण्याचे जाहीर केले आहे. याची जाणीव ठेवत पालिकेचे मुख्याधिकारी तथा प्रशासक भागवत बिघोत यांनी दिवाळीनिमित पालिकेच्या कामगारांना एक गणवेष व मिठाईचे वाटप केले.
पालिकेच्या सफाई कामगार महिलेला गणवेष व मिठाई सोबत नगदी रोख बक्षीस देतांना माजी नगराध्यक्ष साबेरखान, शिल्पाताई परदेशी, भागवत बिघोत, ठाकूर धोंडीरामसिंह राजपूत.
पालिकेच्या सभागृहात माजी नगराध्यक्ष साबेरखान, माजी नगराध्यक्षा शिल्पाताई परदेशी व सामाजिक कार्यकर्ते ठाकूर .धोंडीरामसिंह राजपूत यांच्याहस्ते (शनिवारी ता.18) हा कार्यक्रम पार पडला. येत्या काही दिवसात पालिकेला शासनाकडून स्वच्छता निधी प्राप्त झाल्यावर कर्मचारी व कामगार यांची सर्व देयके काढण्यात येतील असे मुख्याधिकारी भागवत बिघोत यांनी यावेळी सांगितले. या प्रसंगी वैशाली पवार, सुनीता महाले याचीही उपस्थिती होती. अत्यंत प्रामाणिकपणे व नियमित्तपणे पहाटे पांच वाजता आपले स्वछतेचे कर्तव्य बजावणाऱ्या सफाई कामगार परीघाबाई मोरे यांना माजी नगराध्यक्ष साबेरखान यांनी विशेष नगदी बक्षीस देऊन त्यांच्या कार्य कर्तृत्वाचे कौतुक केले. शिल्पाताई परदेशी, साबेरखान,धोंडीराम राजपूत यांची समयोचित
भाषणे झाली. या सर्वांनी पालिका कामगार यांना दिवाळीच्या आरोग्यदायी शुभेच्छा दिल्या. याप्रसंगी प्रमोद निकाळे, रमेश त्रिभुवन, विष्णू आलूले, वाल्मिक शेटे,अरुण कुलकर्णी, मंगेश नाईकवाडी, श्री.मुळे आदींची उपस्थिती होती.शेवटी मुख्याधिकारी भागवत बिघोत यांनी आभार मानले.
0 Comments