news today, विधान परिषद निवडणुकीत 17 पैकी 16 जागांवर महायुतीचे उमेदवार विजयी

Aaj Dinank June 22, 2026

छत्रपती संभाजीनगर सुहास शिरसाट विजयी

नाशिक मतदारसंघात दराडे पराभूत ; अपक्ष उमेदवार गोकुळ गीते विजयी...

मुंबई, ता.22 - राज्यातील स्थानिक स्वराज्य संस्था विधान परिषद निवडणुकीत 17 पैकी 16 जागांवर महायुतीचे उमेदवार विजयी झाले आहेत, तर एका जागेवर अपक्ष उमेदवार विजयी झाला आहे. या निवडणुकीत भाजप 11, शिवसेना 3, राष्ट्रवादी काँग्रेस 2 आणि अपक्ष 1 असा निकाल लागला आहे.

विधान परिषदेच्या 17 जागांसाठी 18 जून 2026 रोजी निवडणूक झाली होती. मात्र, या निवडणुकीआधीच 17 पैकी सहा ठिकाणी महायुतीचे उमेदवार बिनविरोध निवडून आले होते. उरलेल्या 11 जागांचा निकाल आज जाहीर करण्यात आला आहे.

राज्यातील विधान परिषदेच्या 17 जागांसाठी भाजप 11, शिवसेना 4आणि राष्ट्रवादी काँग्रेस 2 असा महायुतीचा फॉर्मुला ठरला होता.त्यानुसार भाजपने 11, शिवसेनेने 4आणि राष्ट्रवादी काँग्रेसने 2 जागांवर निवडणूक लढवली ,यापैकी भाजपने 11 पैकी 11 जागा जिंकल्या तर शिवसेनेने 4 पैकी 3 जागांवर विजय मिळवला. नाशिकची जागा शिवसेनेला सुटली होती, परंतू भाजपचे गोकुळ गीते यांनी बंडखोरी करून अपक्ष निवडणूक लढवली व शिवसेना उमेदवार नरेंद्र दराडे यांचा त्यांनी पराभव केला.

संभाजीनगर - जालना स्थानिक स्वराज्य संस्था मतदार संघातून विजयी झालेले महायुतीचे सुहास शिरसाट