news today, जिल्हा बँकेच्या 12 जागांसाठी आज मतदान ; 9 मतदान केंद्रावर 1053 मतदार बजावणार मतदानाचा हक्क

Aaj Dinank July 04, 2026

छत्रपती संभाजीनगर, ता.04 - जिल्हा मध्यवर्ती सहकारी बँकेच्या संचालक मंडळाच्या 12 जागांसाठी आज सकाळी 8 ते दुपारी 4 वाजे दरम्यान मतदान होणार आहे. जिल्हयातील 9 मतदान केंद्रावर 1053 मतदार मतदानाचा हक्क बजावणार आहेत. या निवडणुकीत भाजपचे मंत्री अतुल सावे यशस्वी होतात की नाही, याची उत्सुकता आहे. बँकेच्या निवडणुकीमध्ये राष्ट्रवादी काँग्रेसने भाजपला पाठिंबा दिला आहे.

छत्रपती संभाजीनगर जिल्हा बँकेच्या संचालक मंडळाच्या 21 जागांसाठी निवडणूक प्रक्रिया राबविली जात आहे.या 21 पैकी एका जागेवर एकही उमेदवारी अर्ज न आल्यामुळे आता 20 जागांसाठी ही निवडणूक होत आहे. उमेदवारी अर्ज मागे घेण्याच्या शेवटच्या दिवशी 8 उमेदवार बिनविरोध निवडून आले.त्यांच्या निवडीची औपचारिक घोषणा बाकी आहे. उर्वरित 12 जागांसाठी आता ही निवडणूक होत आहे. शेतकरी विकास पॅनल आणि भूमिपुत्र शेतकरी सहकार बँक बचाव पॅनलच्या उमेदवारांत खरी लढत होत आहे.12 जागांसाठी 31 उमेदवार निवडणूक रिंगणात असून, 1053 मतदार मतदानाचा हक्क बजावणार आहे. जिल्हा बँकेच्या या निवडणुकीसाठी शंभरवर अधिकारी कर्मचाऱ्यांची नियुक्ती करण्यात आली असून, निवडणूक निर्णय अधिकारी म्हणून जिल्हा उपनिबंधक समृतं जाधव हे काम पाहत आहेत.