मुंबई, ता.17 - राज्यातील सर्व नगरपालिका व नगर पंचायतीमध्ये वैशिष्ठ्यपूर्ण व नवीन नगरपंचायत ,नगरपालिका योजनेअंतर्गत एक उद्यान विकसित करण्याचा निर्णय घेण्यात आला आहे.त्यासाठी एक कोटीचा निधी मंजूर करतानाच 'नमो उद्यान' नाव देण्याची घोषणा उपमुख्यमंत्री एकनाथ शिंदे यांनी केली. या निर्णयामुळे राज्यातील एकूण 394 नगरपालिका व नगरपंचायतीमध्ये नमो उद्यान वर्षभरात विकसित केले जातील. पंतप्रधान नरेंद्र मोदी यांच्या 75 व्या वाढदिवसानिमित्त महाराष्ट्राने दिलेली ही भेट असल्याचे उपमुख्यमंत्री शिंदे म्हणाले.
या उद्यानाची विभागीय स्तरावर स्पर्धा आयोजित करण्यात येणार आहे.प्रत्येक विभागातून तीन नगरपालिका/नगरपंचायतीना बक्षिसे देखील देण्याचा निर्णय उपमुख्यमंत्र्यांनी जाहीर केला. नमो उद्यानांच्या स्पर्धेत प्रथम, व्दितीय आणि तृतीय क्रमांकाचे पारितोषिक संबंधित स्थानिक स्वराज्य संस्थांना जाहीर केले जातील. प्रथम क्रमांकासाठी 5 कोटी, व्दितीय तीन कोटी तर तृतीय क्रमांकासाठी एक कोटी रुपये अतिरिक्त विकास निधी म्हणून विजेत्या नगरपालिका व नगरपंचायतीना देण्यात येणार आहे.
0 Comments