वैजापूर, ता.12 - नगर परिषद वैजापूर अंतर्गत स्वच्छता विभागाच्या माध्यमातून शहरात मान्सून पूर्व नालेसफाई करण्यात आली आहे. पालिकेचे मुख्याधिकारी भागवत बिघोत यांनी शुक्रवारी (ता.12) स्वच्छ्ता विभागाची बैठक घेऊन शहराची नालेसफाई व स्वच्छता बद्दल आढावा घेतला व शहरातील सर्व नाले नदीपात्र इत्यादी स्वच्छता केल्याची खात्री करून पावसाळ्यात शहरात पाणी साचणार नाही हे सुनिश्चित केले.
शहरातील सर्व 12 प्रभागामधील नालेसफाई पूर्ण करून वैजापूर नगर परिषद मान्सून पूर्व नियोजन करण्यात आले आहे. स्वच्छता विभागाचे पी.एस.पवार, प्रमोद निकाळे व रमेश त्रिभुवन यांनी शहरातील विविध भागात करण्यात आलेली नालेसफाई व स्वच्छता याबद्दल मुख्याधिकारी भागवत बिघोत यांना अहवाल सादर केला. पालिकेचे अध्यक्ष डॉ.दिनेश परदेशी यांच्या मार्गदर्शनाखाली ही नालेसफाई मोहीम राबविण्यात आली.
0 Comments